Qaddafi usin t w aman

***Anghmis***

Sawlen mennaw ibaqqayen gh Trablus id n umuhad[i] lligh ssfelden medden i udida n taylalin n imaghen n NATO ar tekkant ignna n tezuznt[ii] n Libya, s illi s inna umazan n France Press.

Gh yat n taylgi, mennaw ibdayen[iii] sdadiyen gh ifghel[iv] n Bab n Làziziyya gh tuzzumt n Trablus, lligh izdegh Qaddafi. Ura tagut n Trablus d Tajura, gh tesggwin nes, gant awttas n mennaw igzduten[v] n taylalin n NATO.

Yat ukan, tassast[vi] tedda ar ten telkkem Qadafi d ungaraw[vii] nes lligh as kkesen irugiyen[viii] mennawt tenghramin lligh tega Zzawit lli yagan ghar 40 n id kilumitr d Trablus.

Zzawit tega tirni bahra ixatern n igrawalen acku tella gis temstit[ix] lli akkw imqqurn gh tagut n Libya d nettat agh ad ttasint tidusiwin tisardasin n Qaddafi azatim[x].

Timmusa n ustan[xi] n Britania tenna-d masdd taylalin nes ssnged tent yat tinawt n imaghen n ungaraw n Qaddafi gh umnid n Trablus.

---

[i] Jeudi.

[ii] Capitale.

[iii] Explosions.

[iv] Quartier.

[v] Attaques.

[vi] Pression.

[vii] Régime.

[viii] Rebelles.

[ix] Raffinerie.

[x] Carburant.

[xi] Ministère de la défense.