S tewisi n teskka n ilel n tuzzumt n tussna tamazight, Imazighen n akkw n Izzlmed n Afriqqiya munen, takklit tamzawrut gh umzruy nes ighzzifn, gh Tanja ass n 27 d 28 abril fadd ad sawalen f teghawsiwin lli dar anyalkam d Imazighen d timmuzgha.
Gh temlilit-ad, ttuaskarent gis mennawt tinawin lligh umzen irgazen d temghranin awal, lli ittussanen gh ubaraz n teghnsa tamazight, lligh rad nebder : Amani Al-Wacahi, Ilyas Omari, Hmad Arhmuc, Hassan Id Belqqasm…
Gh ttemi n unmuqqar-ad, lli gan mad iggutn n medden d amzruyan, acku ar d-isskwtay anmuqqar n 1958 lli din ikabaren meqqurnin n Dzayer, Tunes d Amurakwc, ittusffagh-d yan uskan bahra ixatern lligh gis ziwiren imawasen illi mmu ittuna Tamunt n Lmghrib aàrab, acku Imazighen ttusrasen gis gh usga d gen gis awttas n usnuhyu d ussimziy.
Uggar, is akkw gheran id bu-umuqqar-ann ad tili tamunt ger akkw imadanen n izzlmed n Afriqqiya, ad tili tussna s igiwer anmattay n Libya, s izerfan n Imazighen n Tunes d Misr, s tenbadt tanzrayt n temazirt n ayt-Lqqbayl…
Aucun commentaire:
Enregistrer un commentaire