Asnuhyu mar-amazigh gh tuzzumt n Rbad

***Anghmis***

Iselli[i] n temghart tamazight, yat temsmunt tamazight ittemussun gh ubaraz n izerfan n temghart, tura yat tebrat i unmasu n tenkra tanamurt d umghar n tekadimit n tesga n Rbad, Sla, Azmmur d Zàir.

Tamsmunt-ann tesmammi gh tebrat-ann nes f usnuhyu nit skkusn ittuskarn i yat teslmadt n temazight igan sw assagh, Malika Kamal, gh tineml n Lmuwahidin ghw ammas n Rbad.

Ujdir[ii] lli iwin tumela gh ummukris-ad igat umghar n temsmunt n ayt dar-s d imaturen[iii] n imhdaren lli nn fell-as yukwin s gar iwaliwen, yaywa ar tt irggem, ini as akkw masdd is ur inni a(y) amar i tutlayt tamazight.

Zund igh t ur ikalla may-ann, akayad[iv] n timmuzgha lli jdern agwnes nes is t akkw yiwi ar lligh ikkes illi-s gh temssiridin n Temazight, ini gh medden masdd aslmed n tutlyat-ann is iga ghar tejli n tizi.

Ad awen d-nesskwti masdd, menckk ay-ad, Malika Kamal tesred i urgaz-ann s dar umzwar n tinmel n Lmuwahidin fadd ad t isbidd gh awttu nes, macc, ar ghil-ad, ur as ittuskar umya

---

[i] La voix.

[ii]L’accusé.

[iii]Les tuteurs.

[iv] La haine.