Tamazgha tazlmadt : uhu i tediktaturt ; yah i tedimukratit

Tumert n Lmxzen lligh izzeri tamndawnt nes ur tezzugaz mad iggutn. Ass-ad n 10 yulyuz, ffughen-d afdiwen dw afdiwen n medden gh kra igat mani gh temazirt, munen dagh d teswak, d igharasen d ibriden. Ar dagh ttalsen, mek-lli bedda, i isuturen lli nesen : uhu i tediktaturt, nera tadrfit d temuli[i], amez at imakeren...

Yat ukan, takklit-ad, Lmxzen yumez tamssirdt. Ur dagh irzem i tedusiwin nes n tarit[ii] gh medden ad tent snnfesin s ukuray d teghllabt, mek-lli bedda skarent. Ujjant tuggwt n tewadiwin ad zerint gh urggig d ufra d telwit.

Gh tesga yadn, mad igguten n inmnaden ar ittinin tiwadiwin-ad n medden gant tamatart akkw meqqurn masdd tamndawt ur terur meqqar s yan imikk f isuturen n iàzriyen d teàzriyin n Umussu n 20 Febrayr.

Macc asqqsi lli yakkan ixf nes s unadad[iii] igat : ar man agu rad tezzugaz tezzidera n Lmxzen gh umnid n ubeddad lli sis bedden ayt umussu n 20 Febrayr ? Qqel at agh ad nezer...

---

[i] La dignité.

[ii] Les forces de sécurité.

[iii] Avec insistance.