Mek-lli s nnan mad iggutn n medden, tayafut n tesfrut f temndawt ur tega tixtelt : yah ad stt yiwin s tigut irwasn tin Isuvyatiyen lligh tt inn sul kkan.
Mennaw n temizar n Tagut ad isberrken may-ann lligh tega man zund Fransa, Mirikan, Britanya…
Macc, gh ugwnes n temazirt, iggut mad nn-iluhn turda f tayafut ann. Acku ar ak ttinin masdd azzray n tesfrut is gis ittureza uzref urd yat tekklit urd snat.
Amussu n 20 febrayer, s umdya, ur ira ad isslem gh timight nes. Ighera yad dagh i medden ad awsen gh tewadiwin n tegudi ussan-ad d-yuckan.
Asqqsi imqqurn lli ikkan igguyya n menckk n inmnaden iga t : manikk rad teg taruri n Lmxzen takklit-ad ? Is rad d-idi taghllabt nghedd is rad yajj medden ? Qqel at agh ad nezer …
Aucun commentaire:
Enregistrer un commentaire